Свет

Идентификувани двајцата Французи меѓу џелатите на ИД

Идентификувани двајцата Французи меѓу џелатите на ИД

Француските разузнавачки служби вчера потврдија дека уште еден француски државјанин, Мишел дос Сантос учествувал во обезглавувањето на американскиот заложник и 18 те сириски пилоти, кое беше прикажано на видео снимката што ја објави ИД минатата недела.

Исто како и првиот Французин кој беше идентификуван, Максим Ошар, Дос Сантос има 22 години, а на 17 години преминал во исламската религија и отпатувал во Сирија во 2013 та година.

Дос Сантос потекнува од португалско семејство, а во 2009 та година станал француски државјанин. Потресената мајка, која живее во предградието на Париз, Шампињ сур Марн, изјавила за телевизијата Франс 2, дека го препознала нејзиниот син на видео снимката.