Македонија

Идентификувани загинатите македонски планинари на Кајмакчалан

Идентификувани загинатите македонски планинари на Кајмакчалан

Телата на двајцата македонски планинари кои загинаа на Кајмакчалан се пренесени во болницата во грчкиот град Јаница (Ениџе- Вардар), откако беа извлечени од спасувачките екипи, дознава МИА.

Смртта на 28–годишната К.В. и 35–годишниот А.М., јавува дописникот на МИА од Атина, ја потврдија и од грчката противпожарна служба.

Во дел од македонските портали во неделата се наведува дека една од жртвите е Калина Велевска, голем вљубеник во планините и заедно со нејзиниот загинат колега биле членови на планинарското друштво „Трансверзалец – Скопје“, кое и е организатор на планинарската тура, а несреќата се случила најверојатно по пад во бездна.

Вчера во 14:30 часот, беше известена и веднаш се активираше нашата служба за спасување на две лица, кои исчезнаа на врвот од планината Ниџе. Поради лошите временски услови, силната бура и непристапноста на теренот, обидите за пронаоѓање беа залудни и продолжија и денес.

Во акцијата за спасување беа вклучени 16 противпожарни службеници во четири возила. Спасувачки екипи од противпожарната служба, со специјално возило, ги лоцираа исчезнатите лица на надморска височина од 2.524 метри и со специјална планинарска опрема пристапија и ги извлекоа мртви, 28 годишната К.В. и 35 годишниот А.М.

Телата во 13.30 часот денеска беа предадени на итната помош, соопштија од грчката противпожарна служба, објави МИА.