Идни полицајци ќе се обучуваат на скопските крстосници

Од денеска практична обука на неколку скопски сообраќајници ќе имаат кандидатите за полицајци кои годинава ја започнаа едногодишната обука, во рамки на вториот образовен модул посветен на сообраќајот.

Според програмата е предвидено идните полицајци во периодот од 9 до 13 часот да се обучуваат за регулација на сообраќајот на крстосниците кај Скопски саем, кај Стара рампа (Кисела Вода), кај Црвен крст, како и на крстосницата кај Народна банка на РМ.

Кандидатите ќе бидат распределени во седум тимови од по десет полицајци, нивна обука ќе биде спороведена и на регионалниот пат Скопје – Катланово за контролата на брзината на движење на возилата и мерење со полициски радар.

Доколку преземете содржина од оваа страница, во целост сте се согласиле со нејзините Услови за користење.