Тие бараат формирање две општини, Голо Брдо и Гора, бидејќи последната територијлна поделба, за Македонците и другите жители од овие две области се покажала како несоодветна.
– По две години од донесувањето на Законот за нова територијална поделба на Албанија, се потврдија нашите сугестии дека новата поделба не е функционална и не е во интерес на граѓаните од двете области.За неправедна ја сметаме и одлуката на Уставниот суд,кој не го прифати приговорот на Македонците. Спојувањето на општините не ги подобри условите на Македонците и другите жители во областите Голо Брдо и Гора, туку го отежна животот на жителите, вели Никола Ѓурѓај, претседател на друштвото во изјава за МИА.
Колку за илустрација, додава тој, за еден извод од матична книга на родени треба да се патува најмалку два часа, а да не говориме за други секојдневни потреби.
– Поради тоа, во име на Македонците од двете области бараме од Владата на Република Албанија и Министерот за локална самоуправа да извршат измени на законот и да форимираат посебни две општини и тоа општина Голо Брдо и општина Гора. Впрочем, ваков беше и предлогот на македонското малциство во Република Албанија во текот на подготовката на законот, нагласува Ѓурѓај.
Со новата територијална поделба се укинаа поранешните општини во споменатите области и областа Гора се припоиа административно кон Кукс,додека општините од Голо Брдо дел кон Булќиза дел кон Либражд.