Илиоски до Јанева: Дали двете обвинителки ги отпуштивте затоа што не се согласувале со постапката за случајот „Транспортер“?

Дали двете обвинителки ги отпуштивте затоа што не се согласувале со постапката за случајот „Транспортер“ во кој се гони битолскиот градоначалник Владимир Талевски. Ова прашање до Катица Јанева на собраниската комисија денеска го постави пратеникот од ВМРО-ДПМНЕ, Зоран Илиоски.

-По однос на намалувањето на бројот на обвинители во СЈО, за двете отпуштени во Битола се зборува дека не добиле отказ поради тоа што немало потреба од нив, односно немало работа за толкав број обвинители, туку добиле отказ затоа што не се согласувале за постапката за случајот со превозот во Битола, рече Илиоски.

Тој ја повика Јанева да одговори дали е тоа вистина и рече дека ВМРО-ДПМНЕ е спремно да поддржи ангажирање на обвинители во СЈО колку треба се’ со цел институцијата брзо и ефикасно да си ја врши работата.

Доколку преземете содржина од оваа страница, во целост сте се согласиле со нејзините Услови за користење.