Инаугурација на новоизбраниот ректор на УКИМ Јанкуловски

Универзитетот „Св. Кирил и Методиј“ денеска ќе го инаугурира новоизбраниот ректор, проф. д-р Никола Јанкуловски, со што тој и официјално ќе стапи на оваа функција.

Церемонијата ќе се одржи во аулата на Универзитетот во 12 часот.

Јанкуловски е декан на Медицинскиот факултет во Скопје, професор по предметот Хирургија и абдоминален хирург. Од септември 2007 до април 2009 година бил директор на ЈЗУ Универзитетска клиника за дигестивна хирургија. Добитник е на наградата Св. Климент Охридски“ од областа на здравството во 2013 година и наградата „11 Октомври“ во 2015 година.

За ректор на УКИМ беше избран во јуни годинава со што ја наследи функцијата на досегашниот Велимир Стојковски.

Доколку преземете содржина од оваа страница, во целост сте се согласиле со нејзините Услови за користење.