Пред седиштето на Европската централна банка во Франкфурт изутринава дојде до инцидент. Демонстрантите од движењето „Блокјупај“ се судрија со полицијата при што бил употребен и солзавец, јавува Раша тудеј.
Левичарските активисти од меѓународното движење претходно најавија дека нивна цел е во согласност со противењето кон владините мерки за штедење, денеска да го блокираат новото седиште на ЕЦБ, пред отворањето на зградата.
Портпаролката на германската полиција изјавила дека во инцидентот е повреден најмалку еден полицаец откако демонстрантите фрлале камења на службите за обезбедување.
Се очекува дека на главниот плоштад Ремерберг во Франкфурт да се соберат 10.000 демонстранти, затоа што организаторите изнајмиле посебен воз за пренесување на активистите од Берлин, како и автобуси за превоз од другите делови на Германија и другите европски земји.