Бразил2014

Ињесра: Бевме на врвот, а сега сме на дното

Ињесра: Бевме на врвот, а сега сме на дното

Одличниот играч за врска, Андре Ињеста, на најоригинален начин опиШа во каква ситуација била репрезентацијата на Шпанија пред стартот на Мундијалот во Бразил, а во каква е сега после срамната елиминација во групната фаза.
„Бевме горе, највисоко, на врвот. А сега сме на дното, во големата дупка. Само два лоши натпревари беа потребни за нешто такво. Никој од нас не го очекуваше и секако не го посакуваше ова. Но, фудбалот е безмилосен, ако не одиграш добро, тогаш ќе бидеш сурово казнет. А ние не одигравме добро, ниту против Холандија, ниту против Чиле. Тоа ќе ни тежи многу во наредниот период. Не може да истрчате во дресот на својата држава, на мундијал, и да немате мотивација да играте. Може да сте освоиле и сто трофеи, но, на секој нов меч на СП сакате да победите. И ние сигурно сакавме да победиме, и бевме многу мотивирани, но овојпат нешто не ни одеше како што треба. Ќе треба да се направат анализи, каде тоа толку многу погрешивме“, изјави фудбалерот на Барселона.