Спорт

Интер понуди 10 милиони евра за Пато

Интер понуди 10 милиони евра за Пато

Според бразилските медиуми италијанскиот тим Интер понудил 10 милиони евра на Коринтијанс за откуп на услугите на Алехандре Пато.

Пато кој од 2007-ма до 2013-та го носеше дресот на градскиот ривал на Интер, тимот на Милан во кој се прослави, во моментов настапува за Сао Пауло, но како позајмен од Коринтијанс. Интер е во потрага по засилувања на крилните напаѓачки позиции, а според бразилските медиуми една од желбите на Валтер Мацари е токму Пато.

Бразилскиот „Журнал до Бразил“ пишува дека „Нероаѕурите“ веќе го направиле првиот чекор и испратиле официјална понуда до Коринтијанс во висина од 10 милиони евра.

Бразилскиот тим е заинтересиран за оваа зделка, но според пишувањата на бразилскиот весник Пато се двоуми бидејќи смета дека се уште му е рано да се врати во Серие А.

Инаку, според италијанските медиуми се очекува утре Интер да потврди дека ги договорил трансферите на Пабло Освалдо и Гери Медел, а Мацари воедно е заинтересиран за „крилото“ на Парма, Биабиани кој во минатото го носеше дресот на тимот од Милано.