Пред два дена исчезна 15-годишната Тијана Јуриќ во близина на Бајмок, погранично место во близина на српско-унгарската граница.
Нејзините роднини и пријатели, како и полицијата, деноноќно го бараат девојчето.
Жителите на Бајмок до денеска се сеќаваат на трагедијата од 2010 година, кога исчезна 16-годишната Милица Барашанин, а која беше сурово убиена.
Нејзиниот убиец се уште не е пронајден, што дополнително фрла мрачна сенка врз случајот на Тијана.
Едно момче, пријател на Тијана, за српски Курир вели дека ја пронашле патиката на Тијана, покрај која имало и нокт.
Како што велат нејзините блиски, таа немала никаква причина доброволно да исчезне, односно да избега од дома.
Локалните жители панично трагаат по девојчето и до последен момент не губат надеж дека ќе ја пронајдат жива.