Македонија,Крими хроника

Исчезнатата малолетничка пронајдена како танчерка во тетовски локал

Исчезнатата малолетничка пронајдена како танчерка во тетовски локал

МВР вчеравечер спроведе акција во два објекти во тетовско Жеровјане каде биле пронајдени вкупно единаесет танчарки, меѓу кои и малолетничка од земјава која била пријавена за исчезната.

Во угостителскиот објект „Ориентал АС“, сопственост на 25-годишниот Х.А од Боговиње, затекнати биле пет странски државјанки, од кои три од Бугарија и две од Србија, на возраст од 21 до 26 години, а кои биле ангажирани како танчерки. Петте странски државјанки се приведени и задржани во полициската станица Тетово, а потоа предадени се на Отсекот за прекуграничен криминал, миграции, странци и реадмисија за натамошна постапка.

Во угостителскиот објект „Ловец“, сопственост на Ш.А ( 42 ) од Мала Речица затекнати се шест државјанки на Република Македонија, меѓу кои и една малотеничка од Скопје, која била пријавена како исчезнато лице, а која денеска предпладне им е предадена на нејзините родители.