Свет

Исламска држава ја уништи Триумфалната порта во Палмира

Исламска држава ја уништи Триумфалната порта во Палмира

Сирискиот министер за антиквитети, Мамун Абделкарим соопштил дека џихадистите од Исламска држава ја уништиле Триумфалната порта, која е еден од најважните споменици во древниот сириски град Палмира.

Претходно, во истиот град џихадистите го уништиле и светилиштето посветено на богот Баал Шамин и 2.000 години стариот Храм Бел.

Палмира е под контрола на Исламска држава од мај оваа година, кога од него беа протерани владините сили, по што џихадиситте ги минираа спомениците и историските објекти.

Градот, вклучувајќи ги и четирите гробишта надвор од градските ѕидини, се наоѓа на листата на светско наследство на УНЕСКО од 1980 година.