Свет

Исламската држава има нова цел, Кара Тапах, досега протерани 9.000 лица

Исламската држава има нова цел, Кара Тапах, досега протерани 9.000 лица

Исламска држава (ИД) минатата ноќ започна нова офанзива врз Кобане и извршија два самоубиствени напади со автомобил-бомби во северниот дел на овој сириски град.

– Веднаш по двата самоубиствени напади, џихадистие започнаа офанзива на сите фронтови во градот, кој и натаму е под контрола на Курдите, соопштил директорот на Сирискиот центар за мониториниг на човековите права, Рами Абдел Рахман.

Тој нагласи дека според податоците на неговата организација, жестоките борби во Кобане започнале околу 22 часот по средноевропско време, додавајќи дека засега нема информации за бројот на жртвите.

Во исто време припадници на ИД извршиле напад и врз градот Кара Тапах во северен Ирак, кој е под контрола на силите на ирачките Курди.

Во судирите загинале најмалку 10 лица – седуммина курдски борци и тројца цивили, а илјадници жители на Кара Тапах го напуштиле градот.

– Речиси половина од жителите избегаа. Станува збор за 9.000 луѓе, изјавил жител на Кара Тапах.