Истанбул: Поради снег откажани 142 лета

Турската авиокомпанија откажа денес 142 лета од аеродромот во Истанбул и предупреди на можни пореметувања во наредните денови поради снежните врнежи.

Воглавно откажани се летовите во домашниот авиосообраќај, но и кон европските и аеродромите на Блискиот Исток, пренесува Танјуг.

Поради снег од Истанбул не полетаа авионите кон Хамбург, Минхен, Милано и Техеран.

Турската авиокомпанија објави дека утре се очекува засилување на снежните врнежи и дека поради тоа одредени летови од аеродромите „Ататурк“ и „Сабиха Гокчен“ се откажани.

Весникот Хуриет наведува дека градските власти апелирале граѓаните да не излегуваат од домовите без причина.

Се очекува снегот да паѓа до 2-ри јануари, а повеќе од 1.000 возила за чистење снег се во приправност.

Доколку преземете содржина од оваа страница, во целост сте се согласиле со нејзините Услови за користење.