Спорт

“Италијанците” сигурни во Лигата на Европа

“Италијанците” сигурни во Лигата на Европа

Италијанските преставници во Лигата на Европа, Фиорентина, Наполи, Интер и Торино забележаа победи на синоќешните натпревари во групната фаза од ова натпреварување.

Фиорентина беше поуспешна од белорускиот Динамо Минск, и славеше на гостувањето со убедливи 0:3. Првиот гол го постигна Аквилани во 31-та минута, а тоа беше и резултат на полувремето. Во вториот дел, Фиорентина набрзина, за само 6 минути постигна два погодока и со тоа го реши победникот на овој дуел. Најпрво Иличиќ во 61-та минута се запиша во листата на стрелците, а во 67-та минута Бернардески го постави конечниот резултат.

minsk fiorentina

Наполи исто така имаше незгодно гостување кај Слован во Братислава, но успеа да забележи победа со 0:2. Творци на победата беа Хамшик во 35-та и “резервата” Игуаин во 74-та минута.

slovan napoli

Победа со идентичен резултат како и Наполи забележа и Интер, но “нероазурите” славеа на домашен терен против тимот на Карабах, за кој целиот меч го одигра и нашиот репрезентативец Муарем Муарем. Погодоците за домашниот тим ги постигнаа Д’амбросио во 18-та и Икарди во 85-та минута.

inter

Четвртиот преставник од Италија во Лигата на Европа, тимот на Торино се изнамачи на домашен терен против данскиот ФК Копенхаген, славејќи со гол од пенал во судиското надополнување. Погодокот вреден 3 бода го постигна Фабио Кваљарела од пенал во 94-та минута.

torino

Резултати од второ коло во Лигата на Европа:

Резултати од 2.коло и табели:

А група: Цирих – Борусија Менхенгладбах 1:1, Виљареал – Аполон 4:0.
Табела: Виљареал 4 бодови, Аполон 3, Борусија Менхенгладбах 2, Цирих 1.

Б група: Торино – Копенхаген 1:0, ХЈК – Бриж 0:3.
Табела: Бриж 4, Торино 4, Копенхаген 3, ХЈК 0.

Ц група: Астерас – Партизан 2:0, Тотенхем – Бешикташ 1:1.
Табела: Астерас 4, Тотенхем 2, Бешикташ 2, Партизан 1.

Д група: Селтик – Динамо Загреб 1:0, Астра – Салцбург 1:2.
Табела: Салцбург 4, Селтик 4, Динамо Загреб 3, Астра 0.

Е група: Динамо Москва – ПСВ 1:0, Есторил – Панатинаикос 2:0.
Табела: Динамо Москва 6, Есторил 3, ПСВ 3, Панатинаикос 0.

Ф група: Интер – Карабах 2:0, Сент Етиен – Днипро 0:0.
Табела: Интер 6, Сент Етиен 2, Днипро 1, Карабах 1.

Г група: Феенорд – Стандард 2:1, Риека – Севиља 2:2.
Табела: Севиља 4, Стандард 3, Феенорд 3, Риека 1.

Х група: Красондар – Евертон 1:1, Волфсбург – Лил 1:1.
Табела: Евертон 4, Лил 2, Краснодар 2, Волфсбург 1.

И група: Слован Братислава – Наполи 0:2, Спарта Прага – Јанг Бојс 3:1.
Табела: Наполи 6, Јанг Бојс 3, Спарта Прага 3, Слован Братислава 0.

Ј група: Динамо Киев – Стеауа 3:1, Алборг – Рио Аве 1:0.
Табела: Динамо Киев 6, Стеауа 3, Алборг 3, Рио Аве 0.

К група: Динамо Минск – Фиорентина 0:3, Генгамп – ПАОК 2:0.
Табела: Фиорентина 6, ПАОК 3, Генгамп 3, Динамо Минск 0.

Л група: Локерен – Металист 1:0, Трабзон – Легија 0:1.
Табела: Легија 6, Локерен 3, Трабзон 3, Металист 0.