петок, 21 јули 2017  |  Вести денес: 0

Иванов: АРМ е најпроверувана армија во историјата на НАТО

Претседателот Иванов зборуваше со генералот Бридлав и за улогата на АРМ на јужната граница за справуање со последиците од бегалската и мигрантската криза.

Иванов: АРМ е најпроверувана армија во историјата на НАТО

Иванов: АРМ е најпроверувана армија во историјата на НАТО

Последни вести

Македонскиот претседател Ѓорге Иванов денеска на маргините на Минхенската безбедносна конференција оствари средба со врховниот командант на НАТО за Европа, генерал Филип Бридлав.

Двајцата соговорници разменија мислење за модернизацијата на АРМ, како и за новите предизвици со кои се соочува нашата војска, посебно во светло на бегалската криза.

Иванов  истакна дека АРМ помина низ 17 „МАП-а“ што ја прави најпроверувана армија во историјата на НАТО, и посочи дека евроатлантските интеграции имаат целосен консензус од сите политички партии и целото општество, јави известувачот на МИА.

Во однос на мигрантската и бегалската криза, македонскиот претседател го информираше за состојбата на нашата јужна граница, како и за мерките и активностите кои ги превземаат институциите во справувањето со кризата.

Во тој контекст генералот Бридлав, го информираше претседателот Иванов за најновата мисија на НАТО во Егејското Море, насочена кон справување со илегалната миграција.

НАТО генералот изрази благодарност до претседателот Иванов и Република Македонија, за улогата која нашата Армија ја има во мисиите на Алијансата.

Двајцата соговорници се согласија дека високиот степен на соработка меѓу АРМ и силите на НАТО треба да продолжат и во иднина, и дека ништо неможе да ја замени целосната интеграција на Македонија во НАТО која што ќе дојде со полноправно членство во Алијансата.

Исто така разменија мислења за потребата од промена на законите за заштита на границата и идната улогана Армијата во справувањето и превенцијата со заканите во справувањето и превенцијата со заканите и кризите  во националните граници

Најчитани вести