среда, 26 јули 2017  |  Вести денес: 42

Иванов: Нападот во Париз, напад против врвните европски и општочовечки вредности и принципи

Нападот не само против граѓаните на Париз, туку и против врвните европски и општочовечки вредности и принципи. Претседателот на Република Македонија Ѓорге Иванов, по повод терористичките напади во Париз, упати телеграма со сочувство.

ivanov

Поврзани вести

Нападот не само против граѓаните на Париз, туку и против врвните европски и општочовечки вредности и принципи. Претседателот на Република Македонија Ѓорге Иванов, по повод терористичките напади во Париз, упати телеграма со сочувство до Претседателот на Француската Република Франсоа Оланд.

Со шок, неверување и чувство на огорченост ги примив потресните вести за терористичките напади во Париз и длабоко жалам за изгубените животи од варварскиот чин. Ова е напад не само против граѓаните на Париз, туку и против врвните европски и општочовечки вредности и принципи, наведува Иванов.

Тој додава дека додека Франција минува низ овие тешки моменти, врвен приоритет за целата меѓународна заедница треба да биде соработката и солидарноста во борбата против злото, а во одбарана на споделените демократски и цивилизациски вредности.

Овој злосторнички чин нема да не поколеба во одлучната борба против тероризмот. Нема да дозволиме терористите да го посеат семето на стравот, екстремизмот и хаосот во Европа. Македонските граѓани, како и секогаш во историјата, ќе застанат зад слободољубивите граѓани на Франција во борбата против непријателите на мирот, слободата и правдата, се наведува во телеграмата до францускиот претседател.

Најчитани вести