Иванов во посета на Шуто Оризари

Претседателот на Република Македонија, Ѓорге Иванов, ја посети општина Шуто Оризари, по повод Меѓународниот ден на Ромите.

При посетата Иванов се сретна со градоначалникот, Елвис Бајрам, а го посети и основното училишеа „Браќа Рамиз и Хамид“ како и средното општинско училиште.

Како што информираат од неговиот кабинет, на средбата Иванов беше запознаен со тековниот живот во општината и напорите што се прават во насока на севкупно унапредување на положбата на локалното население.

Посочувајќи дека Република Македонија е држава во која се негува вековната традиција на соживот, Иванов нагласи дека ромската заедница е нераскинлив дел од нашето повеќеетничко општество, кое постојано создава услови за негување на ромскиот етнички и културен идентитет, и претставува пример за еднаквите можности и права.

Во исто време, претседателот Иванов порача дека и натаму ќе се залага за унапредување на правата на ромската заедница и достигнување на степенот на целосна нивна инклузија во македонското општеството.

Утре, 8.април е неработен ден за сите припадници на ромската етничка заедница.

Доколку преземете содржина од оваа страница, во целост сте се согласиле со нејзините Услови за користење.