Изби пожар во станбена зграда во Македонска Каменица и по неколку часа драматична состојба пожарот беше локализиран.
Пожарот избувнал попладнево околу 14 часот во еден од становите на 4 кат од зградата, се проширил на кровната конструкција и за кратко време го зафатил целиот покрив на зградата.
Пожарот го гаснеле пожарникари од Македонска Каменица, кои побарале помош и од делчевските пожарникари. Според информациите на командирот од ТППЕ Делчево, Јонче Атанасовски, пожарникарите веднаш по дојавата пристигнале на местото на пожарот и по брзата интервенција пожарот е локализиран.
Ние веднаш пристигнавме со возило и го локализиравме пожарот на кровот, не дозволивме да се префрли на соседните згради, ниту да зафати повеќе станови, а потоа и го изгаснавме, рече Атанасовски.
Засега не се знаат причините за пожарот, но се претпоставува дека е предизвикан од неисправна електрична инсталација.
