Товарен воз од Солун излета од шините но за среќа нема повредени да има повредени. Како што јавува Канал 5, причината за несреќата се пропаднатите шини поради обилниот дожд.
Среќа е што возот бил товарен а не патнички, бидејќи вагоните паднале еден врз друг и целосно се уништени. Возот пренесувал електронска опрема која од Солун требало да стигне за Скопје, а поради излетувањето, како што соопштуваат од грчката железница во прекин е железничкиот сообраќај меѓу Солун и Скопје.
Кусо откако тргнал во 8.15 часот утрово на 30 километри од Солун кај местото Гефира (односно мост) според грчката телевизија МЕГА, откако поминала локомотивата и 5-те први вагони, останатите почнале да излетуваат од шината и половина километар да се превртуваат и да паѓаат еден врз друг.
Уништени се 29 од 34 – те товарни вагони. Двајцата машниовозачи пак, имале полесни повреди и заедно со останатите членови на екипажот на возот превентивно биле пренесени во болница.
Обилните врнежи во изминатите 3 дена, резултираа шините во областа каде што се случи железничката несреќа, да пропаднат во длабочина од 800 метри.
Неофицијално, патниците кои ја користат железничката линија во делот кој што е во прекин, ќе се пренесуваат со автобуси.
фото: Канал 5
