Изложба на фотографии на Каролина Мицевска, во Дом на култура „Илинден“

Изложба на фотографии на Каролина Мицевска, во Дом на култура „Илинден“
Изложба на фотографии на Каролина Мицевска, во Дом на култура „Илинден“

Во присуство на поголем број љубители на уметоста, меѓу кои и градоначалникот на Општина Илинден, Жика Стојановски, во Домот на култура „Илинден“ отворена e изложба на фотографии на новинарката Каролина Мицевска, насловена „Момент на впечатоци“.

Со пригодна реч за значењето на изложбата и творештвото на авторот на присутните им се обрати академскиот сликар Новица Трајковски. Притоа, тој истакна дека оваа изложба составена од 24 фотографии е резултат на убавите моменти на авторката во Македонија и во Русија, која што преку фотографиите сака да ни соопшти дека пронашла одредени поклопувања меѓу двете земји, слични по култура, традиција, стари градби.

Izlozba na Karolina Micevska (3)

Каролина Мицевска е од Прилеп и е дипломиран новинар на факултетот по Интердисциплинарни студии по новинарство во Скопје. Покрај пишувањето, секојдневна пасија и е фотографирањето. Таа е од оние новинари што со своите прилози ги документира случувањата, им дава визуелна веродостојност, и со помош на фотографскиот апарат ги спасува од заборавот. Досега самостојни изложби имала во Прилеп, Радовиш, Гевгелија, Неготино, Крушево, Велес…

Izlozba na Karolina Micevska (4)

Изложбата „Момент на впечатоци“ ќе биде отворена до 12 април.

 

 

 

Доколку преземете содржина од оваа страница, во целост сте се согласиле со нејзините Услови за користење.