среда, 24 мај 2017  |  Вести денес: 0

Изложба на Пикасо во МКЦ

Младинскиот културен центар во соработка со приватната галерија Висконти од Љубљана, Словенија, ја има честа пред македонската публика да ја претстави, изложбата на дела од големиот шпански сликар Пабло Пикасо во Галеријата на МКЦ.

Picasso

Последни вести

Младинскиот културен центар во соработка со приватната галерија Висконти од Љубљана, Словенија, ја има честа пред македонската публика да ја претстави, изложбата на дела од големиот шпански сликар Пабло Пикасо во Галеријата на МКЦ.

На оваа изложба ќе претставена збирка од четириесет и шест графички дела на Пабло Пикасо – факсимили на цртежи, литографии и одделни гравури, кои го опфаќаат временскиот период од 1932 до 1969 година. Во сржта на збирката се наоѓаат комплети од оригинални графики, сместени во три мапи, кои денес претставуваат ретко видени и ретко достапни дела.

pikaso-1

Пабло Пикасо создаде еден од најобемните графички опуси, кој можеби нема конкурент меѓу уметниците од 20 век. Во одредени периоди од неговиот живот, графичките записи во плоча или литографски камен се надоврзуваат како во дневник. Познато е дека како незапирлив креатор, Пикасо сакал постојано да менува и да прескокнува од една техника на друга, од цртеж на сликање, од графика на обликување предмети и скулптури. Познато е дека неговите раце никогаш не мирувале, без разлика дали е во друштво на пријателите, на ручек или на вечера, играјќи си, скоро несвесно, од случајно најдени предмети или хартии, создавал изненадувачки уметнички дела.

Продуцент на изложбата е Михајло Несторовиќ, а делата се во сопственост на Жива Шкодлар Вујиќ и Лазар Вујиќ од галеријата Висконти во Љубљана, Словенија.

Реализацијата на изложбата е помогната со финансиска поддршка од Министерството за култура на РМ.

Од 09:00 наутро до 09:00 навечер, дванаесет часа секој ден, светлата галерија на МКЦ со широко отворени порти за вас! Педесетина уникатни графички дела, или педесетина “прочистувачи” на очите, духот, видикот, нас…

Од 19 – ти февруари, до 16 – ти март, влезот е бесплатен.

Најчитани вести