Македонија

Изложба на борбени средства во Градскиот парк

Изложба на борбени средства во Градскиот парк

Во пресрет на Денот на АРМ, 18 август, денес на воениот стадион во градскиот парк во Скопје ќе биде поставена изложба на борбени средства, техника и опрема на Армијата на Република Македонија.

Изложбата ќе се одржи од 9 до 17 часот. На неа ќе присуствуваат министерот за одбрана Зоран Јолевски и началникот на Генералштабот на АРМ, генерал потполковник Горанчо Котески.

Од Министерството за одбрана и Генералштабот известуваат дека покрај материјано – техничките средства, борбени возила и вооружувањето на АРМ, ќе биде прикажан и транспортниот хеликоптер МИ-8/17. Изложбата е отворена за сите граѓани на Република Македонија.