Извлечен е потонатиот брод „Мис Стон“ од каналот Студенчишта

Денеска е извлечен делумно потонатиот брод „Мис Стон“ во каналот Студенчишта од кој беше излеана мала количина нафта.

Со помош на брод од Хидробиолошкиот завод и дигалка бродот беше исправен и прицврстен во близина на хангарот од Хидробиолошкиот завод. Се очекува во наредните денови бродот да се дислоцира од каналот. Во целиот зафат учествуваше и екипа на ЈП „Нискоградба“, која со пумпи претходно ја отстрани водата од внатрешноста на бродот.

Во текот на вчерашниот ден, екипа од Капетанијата и пристаништа од Охрид, со специјални абразивни средства, успеа да ја неутрализира најголемата количина излеана нафта.

Доколку преземете содржина од оваа страница, во целост сте се согласиле со нејзините Услови за користење.