Денеска беше извршена ждрепка во Нион на која беа извлечени квалификационите групи за Европското фудбалско првенство за репрезентации до 21 година, кое ќе се одржи во 2017 година во Полска.
Селекторот Благоја Милевски и техничкиот секретар Саша Ќириќ, кои беа преставници на нашата репрезентација во Нион, немаа многу простор за задоволство, бидејќи групата во која беше извлечена Македонија е доста незгодна.
Главен фаворит ќе биде Франција, додека тука се и Украина, Шкотска, Исланд и Северна Ирска.
Доколку нашите млади играчи сакаат да се најдат на завршниот турнир треба да завршат како први во групата 3 или пак да бидат меѓу четирите најдобри второпласирани селекции и да играат во баражот.
Овие квалификации стартуваат во март годинава, а комплетно ќе завршат во ноември 2016.
