Свет

Извршени 13 воздушни напади врз ИД во Сирија и Ирак

Извршени 13 воздушни напади врз ИД во Сирија и Ирак

САД и нивните сојузници од меѓународната коалиција за борбата против групата Исламска држава (ИД) денеска извршиле 13 воздушни напади во Сирија и Ирак врз позиции на џихадистите.

САД извршиле четири напади врз ИД во Сирија во близина на градот Кобане. Тие ликвидирале помала воена единица на екстремистите и уништиле четири борбени позиции во реонот на пограничниот град со Турција.

Коалицијата изврши девет воздушни напади и во соседен Ирак. Четири од нападите биле во реонот на вештачкото езеро „Мосул“, во северниот дел од земјата и биле насочени против помала група џихадисти, воена позиција, автомобил и логистичка база на ИД.

По еден напад бил извршен и западно од главниот град Багдад, во близина на Синџар и кај Хадиса.