понеделник, 24 април 2017  |  Вести денес: 1

Јанева призна дека го поддржува спектакуларното политичко злоупотребување на работата на СЈО

Специјалната јавна обвинителка Катица Јанева во недостаток на материјални докази против битолскиот градоначалник Владимир Талевски го поддржува спектакуларното политичко злоупотребување на работата на СЈО со кое се оцрнуваат високи функционери на владејачката ВМРО-ДПМНЕ, пишува „Курир“.

sjo

Поврзани вести

Специјалната јавна обвинителка Катица Јанева во недостаток на материјални докази против битолскиот градоначалник Владимир Талевски го поддржува спектакуларното политичко злоупотребување на работата на СЈО со кое се оцрнуваат високи функционери на владејачката ВМРО-ДПМНЕ, пишува „Курир“.

Иако истрагата согласно Законот за кривична постапка е тајна, медиумите под контрола на СДСМ – Сорос очигледно добиваат информации за сите дејствија кои ги презема СЈО со цел политички да бидат искористени во кампањата на опозицијата, а функционерите на ВМРО-ДПМНЕ да бидат политички оцрнети. На прашањата дали повикувањето на Владимир Талевски вчера е на приватна покана за средба или службено дејствие во рамки на истрагата, односно доколку станува збор службени дејствија во рамки на истрагата која треба да биде тајна, како овие информации протекле во јавноста и кој ја нарушил тајноста на истрагата, од СЈО велат дека ова се “официјални истражни дејствија кои се преземени согласно ЗКП“, пишува „Курир“.

Предметот за кој се преземени споменатите дејствија, како што е добро познато е објавен во јавноста и се наоѓа веќе во фаза на истражна постапка, така што податоците што се објавени и за кои покажувате интерес, по оцена на ова Јавно обвинителство не штетат на истрагата. Сето ова дотолку повеќе што принципот на транспарентност наложува задолжително објавување на информации кои не штетат на истрагите, а со цел навремено и точно информирање на јавноста, велат од СЈО.

Од ова јавно обвинителство не одговорија на прашањата на КУРИР дали СЈО ќе покрене истрага и ќе повика одредени медиуми за да испита кој ја нарушува тајноста на истрагата и дали доколку Катица Јанева не може да ја обезбеди тајноста на истрагата планира да си поднесе оставка.

На прашањата чија е проценката што и штети на истрагата, а што не, и дали е консултиран судијата на претходна постапка, од СЈО велат дека со истражната постапка раководи јавниот обвинител и законот бил јасен во кои ситуации се консултира судија на претходна постапка, што не било случај со конкретниот пример.

Од СЈО не добивме одговор дали ќе покренетат истрага од каде протекле информациите со оглед на тоа што адвокатите на осомничениот Талевски сметаат дека со ваквиот начин на водење на истражните дејствија се нарушуваат правата и угледот на осомничениот. Јавноста вчера коментираше дека проценката на СЈО и СДСМ е дека во недостиг на никакви материјални докази против Талевски, треба максимално да се искористи моментот и барем медиумски да се поентира преку негово оцрнување од страна на новинарите кои се на платни списоци на СДСМ – Сорос, пишува порталот.

Талевски по распитот во Специјалното јавно обвинителство вчера изјави дека нема незаконитост во постапката со организирање превоз на ученици во Битола.

Станува збор за наметната постапка. Не може врз основа на една снимка да се конструира ваква политичка хајка. Постапката е транспарентна и ние ќе го потврдиме и ќе го докажеме тоа, рече Талески.

Според него, овој случај е наметната постапка.

Најчитани вести