Објавените документи, празните ниви и немањето конкретен одговор покажуваат дека Јанева повторно е фатена во лага, а нејзините образложенија дека потребни се три дена за да провери дали има смокви и дали дала таква изјава пред нотар, едноставно се апсурдни.
Со ова, Јанева е втор пат фатена како дава лажен исказ. За потсетување, првиот пат беше кога бараше државен стан затоа што немала стан во Скопје, а после потпишала изјава дека нема стан поголем од 80 м/2, а има два стана во Скопје.
Во првата изјава која е наведена во барањето, Катица Јанева тврдеше дека не поседува стан или куќа во Скопје и бара да ѝ се одобри на користење службен стан или да ѝ се определи надомест за закупнина на стан во Скопје бидејќи живее на повеќе од 100 километри оддалеченост од градот. Исто така, и за овој случај Јанева не и даде одговор на јавноста.
Во втората изјава, пак, приложена кон барањето, Катица Јанева пред нотар вели дека таа и членовите на нејзиното потесно семејство немаат во сопственост или под закуп стан или куќа во Скопје со површина од најмалку од 80м2.
