среда, 22 март 2017  |  Вести денес: 45

Јанкулоска: Јанева може да отвори милон случаи, на база на кафански муабети

Целата активност и на Зоран Заев и на Катица Јанева, и на чадорот што ги штити, координира и опструира во изминативе две ипол години очигледно не вроди со плод, посочи Гордана Јанкуловска.

јанкуловска

Последни вести

Во вчерашната дебатна емисија „Ѕид“ на Алфа тв, гости беа Сотир Костов и Гордана Јанкулоска поранешен министер во МВР и актуелен член на ИК на ВМРО-ДПМНЕ.
Јанкулоска говореше за улогата на СЈО кое е продолжена рака на опозицијата и други актуелни политички теми. Во врска со СЈО и неговата очигледна поврзаност со СДСМ Јанкулоска рече:

Катица Јанева и нејзините соработници можат да отворат и милон случаи, без аргументи на база на кафански муабети, на база на шпекулации, на база на посакувани сценарија кои тие очигледно ги креираат на дневна основа, но најважно е како ќе ги затворат. Јас ќе кажам како што си ги отворија без докази така и ќе си ги затворат без докази. Затоа што не може вие со повторување на една ноторна лага за која се свесни дури и малите деца дека едноставно не држи вода, да ја направите вистина. Тоа не поминува нити кај македонскиот народ, нити поминува на друго место.

Таа дополни дека целата активност и на Зоран Заев и на Катица Јанева, и на чадорот што ги штити, координира и опструира во изминативе две ипол години очигледно не вроди со плод.

Иако некој се запраша па зарем е можно да се потрошат толку пари, ресурси и енергија, знаеме ние колкави буџети на располагање има СЈО и со какви фондови оперира СДСМ, и да дојдете до една ситуација после една таква условно речено жестоко негативна, неаргументирана кампања, вие повторно да бидете губитник на изборите. Затоа што губитник на овие избори не е само Зоран Заев и СДСМ, губитник е и СЈО бидејќи тие беа истурениот играч во кампањата на СДСМ. Но губитник е и оној што проценил дека тие се личностите односно структурата која ќе ја спроведе агендата која ја замислиле за Република Македонија, истакна Јанкуловска, според која  ВМРО-ДПМНЕ како партија и поединците од ВМРО-ДПМНЕ , но и целиот македонски народ покажа дека луѓето се свесни и знаат да прават сопствена проценка и да дадат сопствен суд за нештата што се случуваат.

Најчитани вести