Јапонската „THK CO LTD“ заинтересирана за влез на македонскиот пазар

Јапонската компанија „THK CO LTD“заинтересирана за влез на македонскиот пазар. Компанијата се занимава со производство на високи технологии, а има намера да влезе на македонскиот пазар и да воспостави контакти со македонските компании.

За таа цел денеска во Стопанската комора на Македонија претставници на компанијата ги презентираа дел од своите производи, меѓу кои и робот кој во зависност од апликацијата чини од 22 до 30 илјади евра. Иднината на овој производ, како што велат од компанијата, е голема. Таргет група им се компании кои се занимаваат со сеизмичка дејност и со земјотреси.

Јапонската „THK CO LTD“ заинтересирана за влез на македонскиот пазар
Јапонската „THK CO LTD“ заинтересирана за влез на македонскиот пазар

Сакаме да воспоставиме мрежа во Македонија и добро би било оваа презентација да биде почеток на градење на нашите идни односи, изјави Хиројуки Масуки од „THK CO LTD“, пренесе МИА.

Јапонската компанија е основана во 1971 година во Токио и во текот на своето 44-годишно постоење има отворено 18 претставништва во повеќе држави низ светот.

Од Стопанската комора на Македонија денешната презентација ја оценуваат како добра можност за македонските компании и се надеваат дека нејзиното присуство во Македонија ќе придонесе за зголемување на вкупната трговска размена меѓу двете држави.

Целта на Стопанската комора е да работи во интерес на компаниите и во изнаоѓање на нови партнерства, а денешната презентација е одлична можност за македонските компании да воспоставаат соработка со оваа јапонска компанија која произведува високи технологии што се применливи во производството и во јавниот сектор, изјави Јадранка Аризанковка од Стопанската комора на Македонија.

Трговската размена меѓу Македонија и Јапонија во периодот од јануари до јули годинава достигна вредност од 33,1 милион американски долари. Притоа е остварен извоз од 881 илјада долари што претставува зголемување за 15 проценти во однос на истиот период лани, додека увозот изнесува 32,2 милиони долари или пад од 7,9 проценти.

Доколку преземете содржина од оваа страница, во целост сте се согласиле со нејзините Услови за користење.