сабота, 27 мај 2017  |  Вести денес: 1

Јилмаз: Во Катар се гради турска воена база

133105334

Последни вести

Во Катар се гради турска воена база и истата ќе биде завршена за две години, изјави во Доха турскиот министер за одбрана, Исмет Јилмаз, цитиран од француските медиуми.

Тоа е првата турска воена база во регионот, посочи Јилмаз пред новинарите во рамки на изложбата за одбрана и безбедност ДИМДЕКС.

Јилмаз додаде дека спогодбата за изградба на базата ја одобрил турскиот Парламент.

Создавањето воена база е дел од пошироката спогодба во областа на одбраната, што Катар и Турција ја потпишаа на крајот од 2014 година.

И двете земји учествуваат во меѓународната коалиција за борба против Исламска држава, предводена од САД, потсетуваат француските медиуми.

– Ние сакаме да постигнеме соработка во областа на воената обука и да придонесуваме во стабилноста на регионот, рече Јилмаз.

Тој посочи дека катарски војници и авиони во моментов се наоѓаат во Турција.

Најчитани вести