Македонија

Јоксимовиќ: Господ ви ја гледа добрината и мултиплицирано враќа

Јоксимовиќ: Господ ви ја гледа добрината и мултиплицирано враќа

Кумот за Водици 2015 во Охрид Жељко Јоксимовиќ им го честиташе празникот Богојавление на сите верници, притоа некриејќи го задоволството што е дел од големата црковно-народна манифестација што по повод Богојавленските празници се организира и одржува во Охрид, пренесе МИА.

– Бог се јави, среќен празник на сите верници што слават денеска. Голема чест е да се биде тука и присуствува на манифестација со толку голема традиција. Мило ми е што мојот другар Зоки ми помогна и јас да бидам кум на Водици и на некој начин да придонесам за оваа манифестација. Мошне сум почестен и тоа се моите импресии, истакна денеска Јоксимовиќ.

Тој заедно со Зоран Милевски неговиот другар и исто така кум за Водици во Охрид за 2015, годинешниот фаќач на крстот Цветан Мицкоски ќе го даруваат со сребрена реплика на Чесниот крст, тешка околу еде килограм и опточена со позлата, пренесе МИА.

За неговото кумување во Охрид Јоксимовиќ истакна дека лично е побогат човек кога има се повеќе пријатели.

– И јас и мојот татко и сопругата , моите пријатели што се дојдени тука, сме изнанадени од вашата гостопримливост, кога низ градот ме поздравуваа „куме“. Тоа секако ми годи, уште повеќе што тука сум дојден приватно, онака како граѓанин, како пријател на Охрид и на Македонија. Мислам дека сето тоа Господ го гледа и мултиплицирано се враќа, истакна тој.