петок, 21 јули 2017  |  Вести денес: 55

Јолевски на конференција во Вашингтон

Министерот за одбрана на Република Македонија Зоран Јолевски, на покана на Фондацијата Бертелсман денеска ќе учествува на 8-та годишна конференција на Фондацијата, „Миграциски текови, факти, фикција и политика“, која се одржува во Вашингтон, САД.

133127188

Поврзани вести

Како што соопшти денеска МО, Јолевски е еден од главните панелисти на темата „Надминување на границите: Барање стабилност во ера на глобално движење“, заедно со  Медлин Олбрајт, претседател на Albright Stonebridge Group и поранешен државен секретар на САД, Дejвид Милибанд, претседател на Меѓународниот комитет за спас и поранешен државен секретар за надворешни работи на Британија и Рита Сушмут, поранешен претседател на германскиот Бундестаг.

Конференцијата е организирана во соработка со Financial Times и е посветена на миграционите текови и улогата на политиката во справувањето со нив.

Актуелноста на конференцијата на фондацијата Бертелсман, стои во соопштението од МО, се потврдува со најголемата мигрантска криза на денешнината, која сведочи дека ефектите од конфликтите, екстремната сиромаштија и природните катастрофи ги надминуваат границите и имаат влијанија од регионални и светски размери.

Во рамки на неколкудневната посета на САД, министерот Јолевски во текот на вчерашниот ден оствари средба со заменик-помошникот државен секретар за Европа и Евроазија, Хојт Ји, како и со конгресменот Мајкл Тарнер.

Од МО во соопштението најавуваат дека во следните денови министерот Јолевски ќе оствари повеќе средби со претставници на конгресот, сенатот, администрацијата и тинк-тенк заедницата.

Најчитани вести