Најдобриот македонски тенисер Томислав Јотовски денеска беше елиминиран од турнирот кој се одржува во Карлскрона, Шведска.
Јотовски не успеа да се пласира во полуфиналето, и беше поразен од германскиот тенисер Тимон Рајхелт со 2:0 во сетови (6:1, 6:1).
За македонскиот тенисер единствена утеха останува настапот во двојки, заедно со Милош Секулиќ, каде во полуфинален натпревар, ќе ги одмерат силите против британскиот двоец, кој воедно е втор носител, Ричард Геб и Ендру Битлис.
Јотовски и Секулиќ во 1/4 финалето беа подобри од холандските тенисери Колин Ван Бим и Јеле Селс, кои ги совладаа со 6:4 и 6:1.
