Актуелниот шампион на Италија, тимот на Јувентус се уште е во потрага по клуб кој е сериозно заинтересиран за услугите на црногорскиот интернационалец, Мирко Вучиниќ.
Искусниот напаѓач веднаш ќе добие зелено светло за промена на средината, за време на зимскиот преоден рок, доколку заинтересираниот клуб испрати официјална понуда не помала од 12 мил. евра.
Парите кои ќе бидат заработени од продажбата на црногорскиот интернационалец ќе бидат искористени за да се реализира веќе најавениот трансфер на стандардниот првотимец во дресот на шпанскиот прволигаш Атлетик (Б), Икер Муниаин.
Репрезентативецот на Шпанија е проценет на околу 35 мил. евра, а истиот важи за голема желба и на актуелниот шампион на Англија, Манчестер Јунајтед.
