Свет

Јужен Судан: Илјадници луѓе бегаат од немирите

Јужен Судан: Илјадници луѓе бегаат од немирите

Од Обединетите Нации соопштија дека илјадници луѓе го напуштаат провинцискио град Бор поради крвавите судири во Јужен Судан.

Во соопштението на ОН се наведува дека илјадници луѓе побегнале од Бор кој е центар на крвавите судири меѓу бунтовниците и војската.

Од 8.000 минатата недела, бројот на луѓе кои побарале засолниште во објектите на ОН се искачил на 17.000.

Докторите без граници соопштија дека илјадници луѓе пристигнале од Бор и во Авериал, во соседната провинција Лејкс.

Бор стана центар на крвавиот судир меѓу силите на претседателот Салва Кир и неговиот поранешен потпретседател Риек Мачар, во кој досега загинаа повеќе од 1.000 лица.

Извидувачки авиони на ОН северно од Бор забележиле „големи групи“ вооружени борци и војници кои дезертирале од редовите на силите лојални на Кир.