Јужна Кореа: Јапонија не се извини доволно за злосторствата во Втората светска војна

Јужна Кореа: Јапонија не се извини доволно за злосторствата во Втората светска војна
Јужна Кореа: Јапонија не се извини доволно за злосторствата во Втората светска војна

Јапонија, која одбележува 70-годишнина од крајот на Втората светска војна, денеска се соочи со критики од Јужна Кореја и Кина, кои ја обвинија дека не се извинила доволно за своите злосторства извршени во текот на оваа војна, објави МИА.

Јужнокорејската претседателка Парк Геун-Хе побара од Јапонија „да ги усогласи своите зборови со делата“, откако вчера јапонскиот премиер Шинѕо Абе изрази жалење поради воената агресија на својата земја, но не ги задоволи очекувањата на Сеул.

Абе во својот говор не им се извини директно на жртвите на јапонската агресија, туку само нагласи дека идните генерации Јапонци не треба да бидат „предодредени да се извинуваат“ за дејствувањето на својата земја во воен период.

Историјата никогаш не може да се сокрие. Таа останува жива преку сведочењата на нејзините сведоци – истакна Парк на церемонијата со која е одбележана 70-годишнината од капитулацијата на Јапонија во Втората светска војна, со што заврши јапонската колонизација на Корејскиот Полуостров, која траеше од 1910 до 1945 година.

Претставничка на кинеското Министерство за надворешни работи изјави дека Пекинг треба „искрено да се им се извини на сите луѓе во земјите-жртви“, а не да биде „двосмислен околу суштинско прашање“.

Доколку преземете содржина од оваа страница, во целост сте се согласиле со нејзините Услови за користење.