Ќе се поедностави обработката на царинските декларации и на акцизните документи

Ванчо Каргов, директорот на Царинската управа вели дека овој систем ќе ги поедностави и автоматизира административните процеси, ќе ја зголеми ефикасноста во спроведување на контролите, но и наплатата и ќе се забрза протокот на стока.

Денеска Царинската управа во соработка со Интрасофт интернешенел официјално ги презентираше развојните активности на Системот за обработка на царински декларации и акцизни документи (СОЦДАД) .

„Од овој проект кој претставува инвестиција на Царинската управа, корист ќе имаат сите учесници во царинската постапка – трговци, царински органи на Република Македонија, други органи и општеството во целина“, рече Каргов.

Претставник од Интрасофт интернешенел кој воедно е и проект менаџер, Маркос Сиотис, го презентираше проектот што ќе овозможи непречен проток на електронски информации помеѓу сите учесници во процесот во царинските и акцизните постапки, преку поврзување на надворешниот, националниот и заедничкиот домен, како и на доменот на други владини институции.

Се очекува системот да биде целосно функционален во мај 2014 година, соопшти Царинската управа.

Доколку преземете содржина од оваа страница, во целост сте се согласиле со нејзините Услови за користење.