Канада воведе санкции против седум руски и тројца кримски чиновници, истакна премиерот на земјата Стивен Харпер, пренесуваат локалните медиуми.
На службениците им се забранува пристап до територијата на Канада, а нивните средства во земјата ќе бидат замрзнати.
Санкциите се однесуваат на вицепремиерот на Русија, Дмитриј Рогозин и помошниците на рускиот претседател Владимир Путин, како и на премиерот на Крим, Сергеј Аксонов.
На 16 март САД воведоа санкции против седум руски чиновници.. Белата куќа воведе санкции исто против поранешниот украински претседател Виктор Јанукович, кој во моментов се наоѓа во Русија, премиерот на Крим, Сергеј Аксонов и претседателот на кримскиот парламент, Владимир Константинов.
ЕУ воведе слични санкции против 21 украински и руски чиновник.
