понеделник, 22 мај 2017  |  Вести денес: 35

Каракамишева: Одлуката на Иванов согласно националните интереси на државата

karakamiseva1

Поврзани вести

Претседателот има право во секој момент да донесе акт со кој ќе ги прекине постапките во судот и на тој начин ќе им овозможи на лицата да не се теретат, или врз нив да нема повеќе обвиненија кои им се ставени на терет.

Ова во вечерашното гостувањето во ТВ Нова го истакна универзитетската професорка Татјана Каракамишева.

-Со овој акт има за да ги прекине, да направи општ прекин, на сите постапки кои во тек, меѓутоа  имајќи ги во предвид пресумпцијата на невиност на сите граѓани коисе наведени во неговата одлука. Тој не навлегува во невиноста односно во виноста на лицето, туку врз основа на негова проценка за одредени прашања кои се од нацонален интерес тој тоа го прави. Целото обраќање беше во контекст дека оваа одлука ја носи согласно националните интереси на државата, воден од клучните интереси за понатамошното опстојување на Република Македонија, како нормална демократска самостојна држава, смета Каракамишева.

Професорката вели дека Иванов многу добро знаел кој се е вмешан во оваа политичка игра и сигурно има доволно информации врз основа на кои е поткрепена неговата одлука.

-Не случајно одлуката ја носи во овој момент, можеше да ја донесе и многу порано, можеше да задоцни и да ја донесе подоцна, кога многу од работите можеа да ескалираат и да дојдат до одреден ќорсокак или бездна од каде нема враќање, нагласува Каракамишева.

Најчитани вести