Магазин

Караванот на слободата низ повеќе скопски општини

Караванот на слободата низ повеќе скопски општини

Караванот на слободата од денеска до петок ќе одржи неколку помали мултимедијални настани во Аеродром, Карпош, Центар и Чаир, како најава за големиот мултимедијален настан и концерт кој ќе се одржи в сабота, на 1 октомври, на сквер Јадран во Скопје.

Серијата настани вклучува флеш – моб перформанс во центарот на градот, музички и поетски перформанси.

Ден пред големиот концерт, на 30 септември од 12 до 21 часот, мултимедијален настан со повеќе уметнички содржини ќе се одржи на платото пред спомен – куќата на Мајка Тереза на улица Македонија.

За финалниот мултимедијален настан и концерт во Скопје, ќе биде обезбеден бесплатен превоз од шест поголеми градови во Македонија. Овој настан вклучува музички концерти, визуелна уметност, театарски и поетски перформанси и културни активности, кои опфаќаат различни општествени прашања.

Караванот на слободата е тримесечен фестивал, организиран од ЦИВИЛ – Центарот за слобода и поддржан од УСАИД, кој ќе ги користи уметноста и културата за да влијае на засилување на граѓанската свесност и граѓанското учество. Тој е динамичен мултимедијален проект, кој го поттикнува граѓанското учество во процесите на донесување одлуки на локално и национално ниво