сабота, 26 ноември 2016  |  Вести денес: 19

Кардинал Пел: Католичката црква дозволи сексуални насилства врз деца

pel

Последни вести

Еден од највисоките советници на папата Франциско, австралискиот кардинал Џорџ Пел, призна дека Католичката црква дозволила да се направат големи грешки, со тоа што дозволила илјадници деца да бидат силувани и измачувани од свештеници.

Кардиналот ова го изјави во видеоконференциска врска од хотел во Рим пред Кралската комисија за институционалниот одговор на сексуалните злоупотребувања врз деца, која заседава во Сиднеј.

Во првите редови во салата во Сиднеј имаше дваесетина Австралијци, кои биле жртви на такви злоупотребувања.

Адвокатот Гејл Фарнис, кој и помага на Комисијата, му постави на кардиналот прашања за реакциите на Ватикан за скандалот, како и за активностите на Пел во Австралија, како одговор на жалбите за сексуални злоупотребувања.

– Не сум тука за да го заштитувам она што не се заштитува. Црквата дозволи огромни грешки и работи на тоа да ги поправи, рече тој.

Кардиналот Пел е највисокиот претставник на Ватикан, кои дава докази во врска со скандалот.

Најчитани вести