понеделник, 26 јуни 2017  |  Вести денес: 1

Каролина: Нема да го тужам Град Скопје за откажување на новогодишната прослава

Баш напротив, сметам дека е добро што парите се пренаменети за некој на кој тоа му е потребно и како и во многу други прилики сум тука да помогнам, вели Каролина.

kerol

Последни вести

По објавите во дел од медиумите дека менаџерот на Каролина ќе го тужи град Скопје поради откажување на новогодишната прослава на плоштад Македонија, преку социјалните мрежи се огласи лично пејачката.

-Би сакала да се оградам од некои наводи дека јас, како Каролина Гочева имам намера да го тужам Град Скопје за откажувањето на Новогодишната прослава. Баш напротив, сметам дека е добро што парите се пренаменети за некој на кој тоа му е потребно и како и во многу други прилики сум тука да помогнам. Значи, уште еднаш, за сите шпекулации на темава, јас не учествувам и нема да учествувам во никаква тужба, пишува пејачката на социјалните мрежи.

На дочекот на Новата 2017 на плоштадот Македонија граѓаните требаше да ги забавуваат Каролина Гочева, Миле Кузмановски и Слаткар.

Град Скопје денес преку соопштение ги информираше граѓаните дека ја откажува прослава и средствата коишто беа планирани за организирање на дочекот и се во износ од околу 2 милиона денари ќе бидат донирани во социјални цели.

Најчитани вести