Свет

Каталонците организираат референдум за независност

Каталонците организираат референдум за независност

Претседателот на шпанската област Каталонија, Артур Мас, ја повика Владата на Шпанија да не го блокира  каталонскиот референдум за независност, планиран за 9 ноември.

Шпанскиот Парламент на 8 април со големо мнозинство го отфрли барањето на Каталонија за таков референдум со аргумент дека тој би бил противуставен.

„Сигурно е дека референдумот ќе биде распишан и оти каталонските граѓани ќе бидат повикани пред гласачките кутии на 9 ноември. Централната Влада може да се обиде да го поништи, но тоа не зависи од мене“, изјави Мас.

Североисточната област Каталонија обезбедува околу една петина од шпанскиот бруто домашен производ и сочинува 16 отсто од населението на земјата. Таа има свој јазик и долга историја на борба за поголема автономија.

Според анкетите, околу половина од населението на Каталонија ја поддржува независноста од Шпанија.