Каталонците повеќе се плашат од Атлетико отколку од Реал Мадрид

Од минатата сезона шпанската Примера доби сосема поинаков изглед. Атлетико Мадрид успеа да ги засени големите гиганти и сосема заслужено да ја освои титулата, па јасно е дека четата на Диего Симеоено и оваа сезона рамноправно ќе се носи со Барселона и Реал Мадрид се до самиот крај.

И покрај тоа што ривалството помеѓу Реал Мадрид и Барселона трае со години наназад, претседателот на каталонскиот клуб Џозеп Бартомеу изјави дека Атлетико Мадрид ќе ѝ биде најголем ривал на Барселона во трката за шампионската титула.

„Имаме многу ривали во лигата, но најголемиот е дефинитивно шампионот, Атлетико Мадрид. Се работи за противник кој заслужува огромен респект“, изјави Бартомеу.

Атлетико Мадрид ланската сезона успеа да ја освои шампионската титула во Шпанија, и тоа по освоениот бод токму на „Камп Ноу“, во директниот дуел кој решаваше за новиот владетел во оваа земја.

Доколку преземете содржина од оваа страница, во целост сте се согласиле со нејзините Услови за користење.