четврток, 8 декември 2016  |  Вести денес: 0

Ќе се реконструира автопатот Скопје-Куманово

Министерството за транспорт и врски продолжува со своите проекти и во инвестирање во патната инфраструктура, истакна денес министерот за транспорт и врски Владо Мисајловски.

133356174

Поврзани вести

-Пред само неколку дена се објави тендер за Прилеп-Градско продолжување на експресниот пат, но исто така сакам да информирам дека започна и втора фаза на тендерирање преку ИПА инструментот и за уште еден коловоз. Се  работи за Скопје-Куманово, ние пред извесно време ја започнавме изградбата на едниот коловоз од Куманово до Скопје, а веќе фазата на тендерирање за изградба на вториот дел, над 20 километри во еден правец. Тоа значи нов тендер кој би траел отприлика до средината на ноември, и да продолжиме со целосна рехабилитација, со поставување на нов коловоз, нова сообраќајна сигнализација како и санирање на сите мостови, истакна Мисајловски.

Ова значи дека 23 километри од Скопје до Куманово ќе бидат рехабилитирани и реконструирани. Рокот на достава на заинтересираните компании е до средината на ноември поточно до 16 ноември. После овој рок ќе се изврши евалуација на понудите и во првиот квартал од 2017 година да се започне со градежните работи на оваа делница. Ова се однесува само за левиот коловоз од оваа делница. Според планираното, до крај на 2017 година се очекува да биде реконструирана комплетно оваа автопатска делница.

-Ова е важно, бидејќи многу вложуваме во Коридорот 10 односно се обидуваме максимално да ја подобриме инфраструктурата, се работи на автопатот Демир Капија-Смоквица, таму сме во завршна фаза многу добро оди динамиката и очекувам до крајот на годината комплетно да биде завршена. Останува во првиот квартал од 2017 година да ги завршиме сите други дополнителни работи околу електриката. Исто така се продолжи од Смоквица кон Гевгелија, тоа е уште една фаза преку ИПА компонентата која се гради. Во завршна фаза сме на Неготино-Демир Капија, го чекаме сообраќајниот режим од МВР бидејќи таква е процедурата, имаме потпишано договор и станува збор за инвестиција од околу 5 милиони евра, објасни министерот за транспорт и врски.

Тој додаде дека инвестициите на Коридорот 10 ќе надминат 230 милиони евра.

-Во целата држава се градат преку 170 километри автопат, но важно е да ја зголемиме безбедноста на Коридорот 10 и затоа максимално вложуваме не само на овој, туку и на сите коридори, посочи Мисајловски.

Најчитани вести