Свет

Кетрин Ештон: Јанукович сака да го потпише договорот со ЕУ

Кетрин Ештон: Јанукович сака да го потпише договорот со ЕУ

Украинскиот претседател Виктор Јанукович сепак има намера да потпише договор за поблиски односи со Европската унија, соопшти високиот претставник на ЕУ за надворешна политика и безбедност, Кетрин Ештон, по средбата со проевропските демонстранти во Киев, пренесе „Би-Би-Си“.

Демонстрантите се против одлуката на претседателот Виктор Јанукович, да не го потпише договорот за асоцијација со ЕУ.

Ештон рекла дека Јанукович, на нивната заедничка средба ја уверил дека целта му е да го потпише договорот, но таа не прецизирала кога може да се очекува тоа.

Ештон изјави дека загриженоста на Јанукович доаѓа од краткорочните економски проблеми со кои се соочува Украина.