понеделник, 27 март 2017  |  Вести денес: 60

Киднапиран мексикански фудбалер кој игра во Грција

Pulido1_300114

Последни вести

Мексиканскиот фудбалер Ален Пулидо (26) е киднапиран во сојузната држава Тамаулипас, соопштуваат мексиканските безбедносни власти.

Пулидо бил грабнат близу до неговиот дом во Сијудад Викторија, отако си заминал од една забава на која присуствувал со својата девојка.

Мексиканските весници пишуваат дека возилото во кое биле Пулидо и неговата девојка било пресретнато од шест камиони кои му го попречиле патот.

Фудбалерот бил на сила извлечен од автомобилот од шестмина маскирани мажи, додека девојката била оставена во возилото неповредена на еден паркинг.

Пулидо игра за грчкиот фудблски клуб „Олимпијакос“ од Пиреја, а неколкупати досега има настапувано и за мексиканската репрезентација.

Сојузната држава Тамаулипас важи за една од најнасилните држави во Меисико, каде сојузната влада во Сијудад Мексико има испратено дополнителни безбедносни сили за борба против припадниците на нарко мафијата.

Десетици лица се убиени во изминатите недели, во оваа сојузна држава, која е сместена до американската граница.

Мексико важи за држава со најголем број киднапирани лица во светот.

Властите тврдат дека минатата година насилно биле одведени илјада лица, но безбедносни ексерти проценуваат дека таа бројка е многу повисока и изнесува дури десет пати повеќе.

Најчитани вести