Киев: Демонстрантите конечно го напуштија градскиот совет

Украинските демонстранти конечно ја напуштија зградата на градскиот совет во Киев по скоро два месеца окупација.

„Градскиот совет е сосема евакуиран“, рекол портпаролот на опозицијата Руслан Андријко.

Одлуката била донесена откако владата во Украина се согласила да ги отфрли сите обвиненија против уапсените демонстранти доколку ја напуштат зградата и ги отстранат барикадите од улиците.

Иако демонстрантите окупирале повеќе згради, градскиот совет стана симбол на демонстрациите и отпорот.

За потсетување, протестите во Украина започнаа откако претседателот Виктор Јанукович одлучил да не потпише договор со Европската унија.

 

Доколку преземете содржина од оваа страница, во целост сте се согласиле со нејзините Услови за користење.