Седумнаесет лица загинаа, а 20 се повредени денеска во експлозија на гас во фабрика за производство на автоделови во јужна Кина, соопштија кинеските власти, пренесе МИА.
Фабриката се наоѓа во градот Фошан, а локалните власти истакнаа дека спасувачка екипа пристигнала на местото на несреќата.
Локалните медиуми ги пренесуваат изјавите на сведоците, според кои одекнале три експлозии, а ѕидовите и таванот на фабриката се целосно уништени.
Од експлозијата е оштетена и околната фабрика за стакло.
фото: scmp.com